Benim evc-i sema-yı uzletin hurşid-i rahşanı
Benim iklim-i renc-ü mihnetin sultan-ı zişanı
Humayi himmetim cevlan geh-i eflake baş eğmez
Tecerrüd âleminde lâmekandır şimdi seyranı
Serapa genc-i ışkım silm-ü zer kaydından azadım
Cihanı doldurur gözyaşımın yakut-u mercanı
Eder baht-ı siyahımdan şeb-i leycur deryuze
Boyar mah-ı zer efşanı ger olsa gökte cevlan
Şikâyet eylemem suz-i derun-i sineden
Zira sehab-ı ah ile baran-ı eşki söndürür anı
Nedir girdab-ı deryayı mihenk keşki sabr olsa
Geçer emvac-ı hasret hızr olur bir gün kapudanı
Deruni dilde ey can dağ bir kat lalezar açmış
Unut Es’ad gibi sen de riyaz-ı bezm-i ihvanı
